Halla bol…. Huqa-paani band

Halla bol…. Huqa-paani band

Ye 20-30 gunde ..

aur ye choti moti khaap panchayaten

tumhare astitva ko chunavti nahi de sakti

tumhara astitva in se nahi…

inka astitva tumse hai.

Inka saans lena bhi tumse hai.

Halla bol…. Huqa-paani band .

Aurat ke samaj mein

Aaj se tum jaison ka huqqa paani band.

Koi tumhari khushu ..

tumhare maatam mein sharik nahi hoga.

Jis aurat ki abroo sare-raah uchaali hai tumne

Ab uss aurat ke saaye ko bhi tarsoge tum.

Ab koi aurat tumhare darwaze lakshmi ban ke nahi aayegi.

Sun lo khaap panchayeton

Sun lo safedposh kaale kamino.

Bina iss jeevan dayni devi ke dekhte hain

Kahan se bachega tumhara astitva.

c@anand rathore. photo courtesy- google images

Meri Aah pe waah waah sahi

Dard ko dava na mile, na sahi
Meri Aah pe waah waah sahi.

Mujhe rukna nahi bhata hai
koi manzil nahi, mujhe raah sahi. 

Din ka suraj tum rakh lo 
Mujhe mera chand aur raat syaah sahi.

Wo jhoothe begunah rahe
Mera sach gunaah sahi

Mere mitne mein hai mera banna
Main tabaah ..tabaah sahi.

c@anand rathore

"the child is the father of the man"

Humaari aah pe waah waah hoti rahi

Copyright Bill gets Parliament nod

Ek Achchi khabar hai humari jaat walon ke liye 
Likhne walon ke liye , gaane walon ke liye
Copyright bill loksabha mein paas ho gaya. 
Lekin iss deri ki vajah kya thi? 
Tum bhi suno, Taaliyan bajane walon ,
humare geet gungunaane walon
Kya tum jante ho? 
Humaari aah pe waah waah hoti rahi 

Aayega aane wala – mashoor geet likhne wale Khemchand mar gaye
Unki patni Malad station pe bheekh mangti paayi gayi.
OP Nayyer to yaad honge
har aangan gali mein unke geet bajte hain
Mumbai ke Nala supara ki gandi basti mein
ek kamre mein bimari se mar gaye.

Hairat hoti hai ? abhi to aur bhi kisse hain.. aur bhi naam hain.
Majrooh , Shailendra, Gulam Mohammad.
Jinko unke chahne walo ne sir aankhon pe bithaye rakha
Iss desh ne unhe ghootan bhari zindagi di.
Jante hain kyun ? ye desh unke adhikar dila sake
Wo kanoon nahi bana paaya.

Dusre deshon ne kitni izzat bakshi hai fankaron ko
Aap sun ke andaza laga sakte hain.
Paul Mccartney , 27 geet likhe hain usne , use 16 million $ ki royalty mili
Elton John , jisne peechele paanch saalon mein kuch nahi kiya
Use 22 million $ ki royalty milti hai.

Gulzar, Javed , Prasoon aur tamam geetkar , sangeetkaar
Screen writers jinka naam aap garav se lete hain
Ye bonded labor ban ke rahe.
Majburi mein Karte rahe hastakshar un dastavejon par
Jo cheente rahe inke adhikar.
Aur ye desh dekhta raha …
Jeet to gaye hain aaj , lekin bahut kuch khone ke baad.

c@Anand Rathore

Main aam se bhi sasta hoon

jungle Raja