Humaari aah pe waah waah hoti rahi

Copyright Bill gets Parliament nod

Ek Achchi khabar hai humari jaat walon ke liye 
Likhne walon ke liye , gaane walon ke liye
Copyright bill loksabha mein paas ho gaya. 
Lekin iss deri ki vajah kya thi? 
Tum bhi suno, Taaliyan bajane walon ,
humare geet gungunaane walon
Kya tum jante ho? 
Humaari aah pe waah waah hoti rahi 

Aayega aane wala – mashoor geet likhne wale Khemchand mar gaye
Unki patni Malad station pe bheekh mangti paayi gayi.
OP Nayyer to yaad honge
har aangan gali mein unke geet bajte hain
Mumbai ke Nala supara ki gandi basti mein
ek kamre mein bimari se mar gaye.

Hairat hoti hai ? abhi to aur bhi kisse hain.. aur bhi naam hain.
Majrooh , Shailendra, Gulam Mohammad.
Jinko unke chahne walo ne sir aankhon pe bithaye rakha
Iss desh ne unhe ghootan bhari zindagi di.
Jante hain kyun ? ye desh unke adhikar dila sake
Wo kanoon nahi bana paaya.

Dusre deshon ne kitni izzat bakshi hai fankaron ko
Aap sun ke andaza laga sakte hain.
Paul Mccartney , 27 geet likhe hain usne , use 16 million $ ki royalty mili
Elton John , jisne peechele paanch saalon mein kuch nahi kiya
Use 22 million $ ki royalty milti hai.

Gulzar, Javed , Prasoon aur tamam geetkar , sangeetkaar
Screen writers jinka naam aap garav se lete hain
Ye bonded labor ban ke rahe.
Majburi mein Karte rahe hastakshar un dastavejon par
Jo cheente rahe inke adhikar.
Aur ye desh dekhta raha …
Jeet to gaye hain aaj , lekin bahut kuch khone ke baad.

c@Anand Rathore

Main aam se bhi sasta hoon

jungle Raja

Nayaay kuch pratishat nahi (100%)sat-pratishat hona chahiye

ab wo sabko dikhayi deta hai khud andheron mein rahta hai.

Andheron ke desh mein noor aaya.
uski tez roshni koi dekh na saka
noor ne apni roshni ko thoda kam kiya
sirf kuch log hi usse dekh paaye
fir Noor ne apni roshni ko aur kam kiya
kuch aur logon ne usse dekha
fir usne apni roshni ko bahut kam kiya
ab wo sabko dikhayi deta hai
khud andheron mein rahta hai.

Hume javab chahiye

humare fauzi javan sarhadon pe din raate jagte hain 
to hum befikar sote hain.
aaj mujhe unki fikar ho rahi hai 
kyunki ek chitti aayi hai
uss chitti mein likha hai
humare javano ke haath mein
jung lagi banduke hain

aaj charcha garam hai har taraf
sansad mein bahas zari hai
CBI ye jaane mein masroof hai
chitthi kaise leak huyi
kisne kisko riswat ki peshkash ki?
Media TRP badhane , news chalane mein masgul hai
kisi ko desh ki chinta nahi hai
koi General ko kosh raha hai
koi istifa maang raha hai

lekin hume javab chahiye
ye desh sarkar se javab mangta hai
ki agar chitti mein likhi baat sach hai
to hum kitne surakshit hain.
hume javab chahiye ...

hume tumhari niyat pe shaq hai
aur hum sochne pe majboor hain.
kahin tum hume 26 January ki parade mein
topon ke khali khokhe to nahi dikhate rahe...
Rangin jhankiyon ke beech
hume jung lagi banduke dikhaate rahe
hawaon mein dhuyen se tirnga banate rahe.
Aur hum bekhabar taliyan bajate rahe

bahut ho gaya..hum bahut khamosh rahe
mumbai mein nakli builet proof jacket pahan ke
shaheed ho gaye zabaanz
aur tum humari coffin bech ke khaate rahe
bahadur pilot plane crash mein marte rahe
aur tum dalali khaa ke pet bharte rahe.

Hume javab chahiye …. Bande matram

c@anand rathore
A drop of ink, makes million think

khwabon ka gulak toot gaya.