mujhe insaaf chahiye.. Naye saal (2013) mein bharat ki dharti inn darindo se saaf chahiye…

Tumhare so jaane se , humare jaag jaane se

Tumhare so jaane se , humare jaag jaane se
ye silsila thamne wala nahi hai. 
vahsi napak darinda humare DNA mein bas chuka hai
usko maare bina kuch badlne wala nahi hai.

main jab ye likh raha hoon , 
kahin koi bekhauf darinda kisi damini ko dard de raha hoga. 
humare beech hi mombati liye koi rapist naare laga raha hoga. 
isi facebook par koi kisi ladki ki profile buri niyat se dekh raha hoga. 
hum agar is niyat ko na maar paaye to kuch hone wala nahi hai.

jo maa baap apne beton ko insaan nahi bana sakte
jo apni betiyon ko devi se durga nahi bana sakte
wo bachche paida karne ka gunhaah na karne.

do pair ke janwar ka biological , physiological,
vikaas abhi poora nahi huya hai
Abhi poori tarah insaan banne ka safar lamba hai
Achcha hai to bura zarur hoga. insaan hai to haiwan zarur hoga
mere bhaiyon aur bahno , hume jagte rahna hoga..
iss haiwan ko marte rahna hoga...
haiwan dar ki bhasha samjhjt hai
isse dara ke rakhna hoga...

aur sike liye in darindo ko mrana hoga...
sare aam marna hoga.... humare buland iradon ki rasiyon pe latakna hoga.

damini tum pahli ladki nahi ho jiske saath ye huya hai
lekin meri prarthna hai
tum iss dharti ki aakhri ladki raho jisne ye dard saha hai.

tum jahan bhi ho dekhna tumhe insaaf zarur milega...
nahi mila to mujhe poora yakin hai qyamat nazdik hai.

c@anand rathore